Ka Seng kur Chyne bad ka Balang Presbyterian Rangthong South West Khasi Hills District mynta ka sngi ka 22 tarik u bnai Nailur 2025 kila ïoh ban kynmaw burom ïa ka Lyngkhuh ba 81 snem ka jingkhlad noh u ( L ) Rev. Amirkha Chyne uba la khlad haka 22 Nailur 1944 u ba la long u wei u rishot ba khraw ha ka imlang u ba la ïa don bynta ruh ha shibun ki kam ha ka imlang ka sahlang ha ka thoh ka tar kumjuh ruh ban saiñdur haka jingngeit bad ki jinglong khristan.
Ha kane ka jing kynmaw burom ha u mot sahnam ha lum jingtep Balang Presbyterian Rangthong la pynïaid ïa ka jingïalang lyngkot da u Dr. W.P Chyne bud ka jingïathuhkhana lyngkot ïa ka khana jong u Late Rev. Armikha Chyne da u Tymmen basan S.C Syiemlieh bud sa ka jingkren na u Bah Titoswell Chyne President rangbah jong ka Kur Chyne u ba dei ruh u MDC jong ka Sohra ha kaba u la ai ka jingkhublei ïa ka Balang Presbyterian bad ka Presbytery bad ïa ka District Rangthong kiba la kynmaw kyrpang ïa u Rangbah Kur Chyne u ba la khlad noh na kane ka pyrthei kaba la kynjoh mynta la 81 tylli ki snem.
Ha kane ka sngi la ïoh ruh ka jingbuh syntiew ha u mot sahnam, ki jingrwai bad ki jingduwai bad la sakhie ruh da ki riewrangbah na ka shnong Rangthong bad na ki kur ki jait Chyne.
