U Secretary ka Meghalaya Pradesh Congress Committee (MPCC) u Bah Manuel Badwar haba kren sha ki lad pathai khubor ha ka 8 tarik Jymmang 2025 ha Congress Bhavan u la ong ka jingkynnoh u Nongaiktien jong ka MDA -2 u Bah Paul Lyngdoh bad tan lang ia ka Congress halor ka jingshah kynnoh donkti u Deputy Chief Minister ban bei tyngka ia ka kynhun lehnoh ka Hynniewtrep National Liberation Army (HNLC). U la ong ka Congress Party kam don kti eiei ha kane ka jingjia bad lada kane ka jingkynnoh ka dei kaba shisha dei ka MDA kaba hap shim ia ka rai bad u Ma Sniawbhalang Dhar u hap hiar shuki kum u Deputy Chief Minister khnang ba kata ka jingtohkit kan long kaba khlem noh shilliang bad kan long kaba sani bad kan wanrah ia ka jingshisha.
U la ong ba ka Party kam donkti ei ei ruh em halor kane ka jingjia, ban kynnoh bad pharep ka long tang ka rukom ban tap eitmiaw ia ka jingtlot jong la jong bad na ka liang ka Party Congress ka ngeit bad ka ap lano ka sorkar MDA kan ong ia u Ma Sniawbhalang Dhar ban hiar shuki.
Shuh shuh u la ong ba ka Congress ka dei ka seng kaba ieng skhem ha ki nongrim bad kyntait ban shah kynnoh ba ki don kti bad ki lehnoh.
