Ka East Jaintia National Council (EJNC) ha kane ka Lyngkhuh dap 50 snem jong ka jingioh jylla ba pura ka pynkynmaw ia ka Sorkar Jylla halor ki katto katne tylli ki Mat jingdawa baka seng kala buh hakhmat ka Sorkar ha kine ki Snem ki bala dep naka bynta ka jingdonkam bad ka jingmyntoi jong ka East Jaintia Hills District.
Kum ban pynkynmaw ka EJNC ha u 2018 kala phah daka Memorandum sha u Myntri Rangbah halor ki 3 tylli ki Mat jingdawa jong ka Seng 1) Ban wanrah sa kawei ka C &RD Block hapoh East Jaintia Hills District, 2) Ban kyntiew kyrdan iaka Khliehriat CHC sha ka Civil Hospital ba Pura bad kaba 3) Ban wanrah ia ka Government College hapoh ka EJHD.
Haka 30/01/2020 ka Seng kala phah sa kawei ka Memorandum sha u Education Minister ban dawa naka Sorkar ban pyllait noh iaka Scheme naka bynta ban pynteikam iaki 2 tylli ki Residential School bad iaka Teacher Training Center kiba donkam hapoh East Jaitia Hills District kiba ka jingtei kala dep lut.
Shuh shuh ka EJNC lyngba ka Sumer Circle haka 15/09/2021 kala pynlong daka jingiakhih ha Khliehriat bad phah ruh da ka Memorandum sha u PWD Minister ban pynpaw iaka jingsngewkhia halor ka jingieh khun shwet jong ka Sorkar ban maramot ia u Surok ba pyniasoh iaki 4 tylli ki Shnong ba kynthup iaka Khahnar, Kseh, Pala bad Muknor kiba hap hapoh Elaka Sumer, EJHD.
Halor kane ka nongrim na ka liang ka EJNC ka kyntu iaka Sorkar Jylla ban shimkhia ia kine ki mat jingdawa jong ka seng naka bynta ka jingmyntoi jong ki nongshong shnong jong ka EJHD khamtam ha kumne ka por ba ka Sorkar Jylla ka lehkmen iaka jingdap 50 snem jong ka jingioh Jylla ba pura.