Ka Hynniewtrep Border Disputed Redressal Forum (HBDRF) lyngba u Chairman jong ka mynta ka sngi kala kyntu bad maham ïa ki paralok Karbi khamtam kiba shong basah hapdeng ka Elaka Labang Nangphyllut Pangam Raliang bad West Jaiñtia Hills District ba kim dei ban thaw ïa kino kino ki jingkulmar ki ban wan rah ïa ka jingïasngewpher jait bynriew bad ki jingïaumsnam.
Ka Forum ka jubap ruh da ka ba tyngeh ïa ki jingkren jong u Mirjeng Kro u nongïalam jong ka Karbi Students Association (KSA) halor ki mat jingkren jong u ba kim pdiang ïakata ka rukom pynbeit pud da kata ka Give and Take Policy bad da ka jingkwah jong ki paitbah.
Halor kane u Chairman jong ka HBDRF u ong ba kane ka dei ka rai jong ki ar sorkar ban pynbeit ïa u pud u sam. Kumta ka shong ha ki la ki pdiang ne kim pdiang, hynrei kim pynkulmar ïa ki paitbah.
Kin ïeng beit kat kum ka Notifications 13. 4. 1951 kaba long ka Constitutional Rights ka jong ki.
Hooid ngim lah ban len ba ka don shisha kata ka Notification bad ka long ruh kumta hi, hynrei ki Karbi ki dei ban tip ïa ki jingshisha ha shwa jong kane ka Notification bad hadien jong kane ka Notification. Kum ki nongshong shnong jong ka Block – 1 bad ka Forum ki ieng beit halor ka nongrim ba ma ki ki dei ki trai ri trai muluk bad kane ka Notification kadei kaba shu leh thok bad shu leh donbor da ka Sorkar Assam bad kim pdiang ïa kata. Bad kumta ka Notifications 1955, 1957 bad ruh kat kum ka Joint Ground Demarcations jong ki artylli ki Districts Councils ka United Cachar Mikirs Hills bad United Khasi Jaiñtia Hills ha ka snem 1958 ia kaba la pdiang bad mynjur ban re-transfer biang ïaka Block -1 Block -11 na United Cachar Mikirs Hills sha ka United Khasi Jaiñtia Hills.
Halor ka jing ong jong u ba lada ka khyndew jong ngi kan leit sha Meghalaya te yn jia kumba jia ha Manipur.
Ka Forum ka ong ba kum ki pait nongshong shnong bad ki trai trai muluk trai jaka ki don ka hok ban dawa ïa ka hok jong ki. Haba kane ka jaka ka dang dei ka Disputed Area kat kum ba la kubur hi da ka Sorkar Assam. Hynrei kum ka Forum ki ïaleh pat da ka lynti ka hok bad da ka lynti ka aiñ. Ym da ka ba ïa rah wait ïa rah suloi lane da ka ba ïa umsaw umsnam.
Ka Forum ka kyntu ruh ïa ki paid nongshong shnong jong ka Block -1 ba kim dei han sheptieng lane artatien halor kane ka jingkren jong u ne u nongïalam jong ka KSA, hynrei kidei ban long kiba shlur bad kiba ieng skem ha la ka jong ka nongrim. Khatduh ka Forum ka ong ruh ïa ki Karbi bad lada jia baki sdang shwa ma ki te ki paid Khasi Pnar ruh kim banse ban ïada ïalade bad kin ym shah jem shuh.