Ka FKJGP – Khliehriat Circle lyngba ka shithi ba la soi da u President Michal Chyrmang bad u General Secretary Justme sana kaba la phah sha u Deputy Commissioner jong ka East Jaintia Hills District, kila buh ka jingkyntu ia u DC ba um dei satia ban ai NOC ia ki nongshong die madan ban buh dukan hapoh phyllaw jong ka DC Office, Khliehriat.
Na ka liang ka seng ka pynpaw bala ki riew shimet kin ioh ia ka NOC ban shong die jingdie hapoh phyllaw u DC Khliehriat kan pynlong ia kane ka jaka kum ka jaka iew bad kan wanrah ia ka jingkhapngiah bad ka jingwit jingthut ia ki paidbah kiba wan donkam sha ka ophis u DC. Namar ha kine ki sngi kila sdang ban don ki nongdie (Street fruit vendor) kiba shongdie hapoh ka phyllaw DC ophis.
Ki la pynpaw shuh shuh ba kane ka jaka ka dei ban pyndonkam beit tang na ka bynta ki kam sorkar, ym da kawei pat ka rukom.
Kumta ka seng ka kyntu jur ia utei u khlieh pyniaid District ba un sngap ia kane ka jingkyrpad jong ka seng bad ruh ban leh kloi ia kaba donkam.
