Ki dkhot ka Federation of Khasi Jaiñtia and Garo People (FKJGP) Shangpung Unit, ha kane ka sngi ba ar 13.08.2024, ha ka jingialam u President FKJGP Shangpung Unit, u Pynbiang Chullet, Assistant Discipline Secretary Melamki Wann, ha ryngkat ka jingiadonlang u Vice President ka FKJGP West Jaintia Hills u Wompher Wann, bad kiwei de ki dkhot ki la leit ban ia kynduh ryngkat ka jingthoh ia u Executive Engineer PWD roads Shangpung Division na ka bynta ban dawa buh speed breaker ha ki jaka ba don jingma ban iaid na shiliang sha shilliang u surok khamtam ha ki jaka ba don ki skul ne ki jaka pule puthi ha ka thaiñ Shangpung.
Na ka liang ki nongialam ki la ong ba ki sngewkmen ban ioh ia ka jubab na utei u sahep uba la ong ba na ka liang jong u ruh u don jingmut ban leh ia kane ka kam, ban buh speed breaker ha ki jaka ba don jingma na ka bynta ban iada ia ki nongleit nongwan kumjuh ruh ia ki kali motor.
Kumta ka seng ka khmih lynti ruh ba u EE PWD roads Shangpung Division un pynbha shuh shuh ia u surok na ka bynta ban suk ka leit ka wan ban lait na ki jingma kumjuh ruh kan long ia ka jingitynnad ia ka thaiñ hi baroh.