Ka sorkar Meghalaya ka dei ban kren noh wut wut naduh mynta ka sngi ia ka sorkar Assam ba kim dei shuh ban leh beiñ ia ki Khasi Pnar ha Cachar Hills bad kiwei ki jaka lym kumta ka seng kan sdang ban leh da ka kam pyrshah ia ka Assam ong ka HANM ha ba kren ha ka jingialang pynskhem nongkitkam ha IB kaba don ha ka shnong Pdengchakap hynnin ka sngi.
U bah Lamphrang Kharbani, President rangbah ka HANM u la pynpaw ba ka mynsiem jong ka seng ka tyrha haba iohi ba ki Khasi Pnar ki shah leh beiñ ha ka Assam hapoh Cachar Hill bad kumjuh ha Lapangap Block 1 block 2.
Kumta ka seng ka maham tyngeh ba ka sorkar MDA- 2 kadei ban iakren noh naduh mynta ba ki Assam kim dei shuh ban pom ia ki dieng kwai ki tympew jong ki paradoh para snam ladei hangno hangno ruh. Lada ki nong Assam ki dang bteng ia kine ki kam be-aiñ, ka Seng kan sdang noh ban pynthud ia ki nong Assam kiba sah ha Meghalaya la ki dei kiba trei kam sorkar, trei contract, kiba pule ne kiba khaïi ruh lada ngim lah shah shuh ngim tip kaei kaban jia.
Kumta ka Assam kadei ban bthah ia ki briew la jong ba kin sangeh noh ka jingpynwit pynthut ia ki Khasi Pnar khnang ban wanrah ia ka shong suk kum baroh shi katta bad kum ki jylla ba shnong marjan.
