Ka Hynniewtrep Integrated Territorial Organization (HITO) Jowai Circle ha ka 12 November 2025 kala leit buh daka dorkhas hapoh JHADC haka jingiadei bad ka jingai pathar ki rangbah shnong iaki NOC iaki bar jylla.
Ka seng hadien ba kala ioh ban iakren ia u Licencing Officer bad u EM, kala pynpaw iaka jingsngewkhia halor kane ka jingai pathar iaki NOC sha ki bar jylla, namar mynta wat iaki jingtrei baki trai jylla ki nang ban trei hynrei ki rangbah shnong kim salia ki shu ai laka ai beit tang ban ioh pisa.
Naka liang jong u Licencing Officer bad u EM kila ong ba iaka license ki hap ai beit lada ki ioh jingbit lane ka NOC naki rangbah shnong. Sa kawei ka seng kala maham ruh ia ki hawker baki lah pyndonkam bakla iaki license jong ki katkum ki kyndon bala buh daka council namar kane ka ktah iaki trai shnong kiba ki trei iaka juh ka kam dakaba ki shu leit behiew ha kylleng ki shnong, hynrei kine ki hawker pat ki ruh ki shu behiew kum maki hi khlem peit lane burom iaki kyndon bala buh daka council katkum ki jaka bala thoh haki license jong ki (area of operation) kumta ka seng kala maham ia kine ki bar jylla baka council kahap ban weng shisyndon iaki license jong ki lada ki bteng ban leh iakane ka kam ong u Deibormi Siangbood uba dei u President ka HITO Jowai circle.
Shuh ka seng kala pan iaka jingiatreilang bad ka Council da kaba ka Council kan khot mardor iabaroh ki rangbah shnong khamtam iakito ki commercial area, kum ka Iawmusiang, Newhill, Ladthalaboh, Mihmyntdu, bad Phramer, kin sangeh shwa ban ai iaki NOC sha ki bar jylla, kat bym pat dep ai rai daka Council.
