Haka 23/2/2024 ka seng HITO LASKEIÑ BLOCK CRICLE ka la leit ba ia kynduh ia u Executive Engineer jong ka PWD Shangpung Division, Shangpung, ha kaba ka seng ka la kyntu ia utei u Engineer ban shna pynbha noh kloi ia ka jingkieng ba don ha ka wah Myntang Rymphum.
Katkum ka jinglap jong ka HITO ba kane ka jingkieng ka la buh jingma shibun ia ki nongleit nongwan jong kane ka Elaka, namar kane ka jingkieng ka lah ban khyllem ha kano kano ka por. Na ka liang jong u President jong ka seng u K. Niang ula kyntu jur ia ka PWD ban shna pynbha noh kloi katba lah ia katei ka jingkieng khnang ba ki nongleit nongwan kin lait na ka jingma jingmynsaw.
Shuh shuh u President u K. Niang ula pynsngew ba ki kali kiba kit palat ia ka 5 MT, ba kin kiar ban iaid lyngba kane ka jingkieng namar ba ka lah ban buh jingma ia ki.
