Ka seng HNYF Thadlaskeiñ Circle ka la phah ia ka khubor sha baroh ki bar jylla kiba don hapoh ri Lum Jaiñtia ki bym don ia ki kot ki sla kiba biang kum ki Work Permit, Trading License bad ki Labour License ba ki dei ban mih noh da kaba suk bad ban leit phai noh sha la ki shnong ki thaw jong ki hapoh 3 sngi naduh ba kala pynmih ia ka khubor.
Khamtam eh ka seng kala ban jur ia kito ki bar Jylla kiba treikam hapoh ka Thadlaskeiñ Block ba kin shimkhia ia kane ka jingpyntip.
Ka seng ka sngewdei ban kyntu ia ki Dorbar Shnong, ki Contractor ban iatreilang ha kane ka bynta khnang teh lakam ia ka jinglaitlan jong ki bar jylla kiba la wan ban knieh ia ka jakpoh jong ka jait bynriew.
Ka seng hadien ba kala dep ban ai por kan sa shim ia ka rai kaba kham tyngeh. Kane ka long kat kum ka kyrwoh ba la phah da u President ka HNYF, Thadlaskeiñ Circle u Esterwis Ryngklem.