Ki bor pyniaid jong ka Meghalaya Pollution Control Board (MPCB) ha ryngkat ka jingiatreilang bad ki bor pyniaid shnong bad ki bor pyniaid District hynne ka sngi ka 23 tarik Naitung 2025 ki la leit jurip ia ki dukan kiba don ha ka shnong Mawlai ban kyntu ia ki nongdie dukan ba kin pyndonkam da ki plastic kiba ai na ka ophis jong ka Meghalaya Pollution Control Board.
Haba kren bad ki lad pathai khubor u Rangbah Dong ka jong ka shnong Mawlai Phudmuri hadien ba la dep jurip ia ki dukan u la kyntu ia ki nongshong dukan ba kin pyndonkam noh da kine ki plastic kiba la buh bad bthah da ka Pollution Control Board.
Shuh shuh u la ong ba ha ka jingjurip ki don ki dukan kiba la pyndonkam ia kine ki plastic ba wan na ka Pollution, bad ki don ki dukan ki bym pat pyndonkam ia kine ki plastic ba wan na ka Pollution kumta na ka liang ka Shnong bad ki bor pyniaid jong ka Pollution ki kyntu ia ki dukan ba kin pyndonkam noh da ki Plastic ba wan na ka Pollution Control Board, namar kine ki plastic ki pynduna ia ka jingpynjaboh ia ka mariang.
