Ka Pnar Student Movement (PSM) ha ba iohi ia ka jingiatai ha kaba u President ka VPP bah Ardent M Basaiawmoit u kwah ban pynmih kyrteng tang ia ka kyntien Khasi na ka bynta ka State Reservation Policy, kane ka long kumba pynduh mynsiem ia ki nong Jaintia.
Kumta na ka liang ka seng ka kyntu ia u bah Ardent ba ym dei ban klet ia ka kyrteng Jaintia namar ha Meghalaya ki don lait tylli ki Autonomous District Council, kita ki dei ka Khasi Hills Autonomous District Council, Jaintia Hills Autonomous District Council bad Garo Hills Autonomous District Council.
Ia ka State Reservation Policy ym dei ban kren tang ki nongmihkhmat na Khasi hynrei ki nongmihkhmat na ri Lum Jaintia ruh ki dei ban iakren lang namar ba ka dei na ka bynta ka jingmyntoi jong ki nong Jaintia ruh.
Kane la long katkum ka kyrwoh ba la pyllait da u Publicity Secretary ka seng u samla S. Lakiang.
