Ka seng Hynñiewtrep People Youth Front (HPYF) Central Body kala buh ka jingkyntu ïaki paitbah ba ym bit, ban bam poisa haka por election, da kaba ong ka jingbam pisa haka por Election ka ktah bha ïaka ïing ka seng jong ki paidbah bad ïaka imlang ka sahlang kumjuh.
Na ka liang ka seng kala ai nuksa lada shim ïaka poisa 10,000/- na uno uno u nongïakhun MLA kan ktah shibun eh ia ka rukom treikam jong u MLA namar hadien ka jingjop namar un hap ban pynleit jingmut shwa kumno ban pynwan biang ïa ka pisa ba la dep pynlut ha ka por Election.
Halor kane ka seng lyngba ka kyrwoh na u President ma E.N.S Law (Syiem Sutnga) u kyntu jur kum ki paidbah ki dei ban ïohi jngai ïa kane ka jingeh kaba long ka lawei jong ki ïing ka seng, ka shnong ka thaw bad ka jaitbynriew hi baroh kawei.