Ka tnad Pule puthi jong ka Sorkar Jylla lyngba ka Directorate of Educational Research and Training da ka jingiatreilang bad ka Minstry of Education ka Samagra Shiksha Abhiyan kila thaw ia ka National Initiative for School Head and Teacher for Holistic Advancement 4.0 (NISHTHA 4.0) mynta ka kynti ka khot biang ia ki nonghikai ba kin pynrung kyrteng biang ialade hapoh kane ka thup khnang ba kin ioh ia ki jingshah jinghikai.
Kan don ka jinghikai ba nyngkong ia ki First Level Beneficiaries kiba kynthup ia ki nonghikai ha ki DIET, ki Block Resource Coordinators, ki Cluster Resource Coordinator, ki CDPOs bad ki Supervisor jong ki Social Welfare Department kiba don bynta ha ki prokram jong ka ECCE.
Kane ka sien ba saw (4.0) kala sdang naduh ka 9 tarik mynta u bnai bad kan kut haduh ka 10 u Rymphang 2023. Na ka bynta ki lynnong (Course Schedule) bad kiwei de ki jingtip ba donkam lah ban peit lyngba ka website www.megeducation.gov.in.