Mynta ka sngi 18.06.2024, ki dkhot jong ka Voice of the People Party (VPP) hapoh ka jingialam jong u Organising Secretary ma Damwanhi Rymbai, ka kong Deiwi Tongper President VPP Narpuh Circle lem bad ki dkhot ki la kyntu ia u CEM bad ki nongmih khmat ka JHADC, ryngkat ka jingthoh naka bynta ban kyntu bad kyrpad jur ia kitei ki nongialam ka JHADC ba kin siew dep noh ia ka tulop ki nongtrei ka JHADC kaba dang sah haduh 13 bnai kaba mut shi snem tam.
Na ka liang u ma D. Rymbai u la ong ruh ba ka Council ka dei ban siew lut ia ka tulop ki nongtrei kane ka ophis hapoh ka 30.06.2024, bad u la ong ruh ba ym dei ban siew tang shi bnai ne ar bnai hynrei dei ban siew lut shawa ka behdeinkhlam kata hapoh ka 30.06.2024.
U la ong ruh ba lada kam lah ban siew ia ka tulop jong ki nongtrei kane ka ophis ki nongialam ka VPP ki shong pyrkhat da kumwei pat.
