Ki bor pyniaid jong ka Civil Hospital, Shillong lyngba u Additional Director of Health Services (SS) la pyntip ba ka don ka wei ka met iap jong uwei u rangbah bala tip kyrteng u Bappi Pyngrope bala 70 snem ka rta.
U tei u Bappi Pyngrope u dei u ba shong ba sah ha Mercy Home, Lawmali bad la wan pynthiah pang ia u ha Male Medical Ward-II ha ka 13.03.2023 ha ka por 10:01 AM, hynrei une u rangbah ula khlad noh hynnin ka janmiet (22.03.2023) ha ka por 3:07 PM.
Kumta ki bor pyniaid Hospital kila kyntu ia ki kur ki jait ne kiba haïing ha sem ba kin wan ban shimti ia kane ka met iap na ka jaka buh metiap jong ka Civil Hospital Shillong hapoh 3 (Lai) sngi naduh bala pynmih ia kane ka jingpyntip paidbah.
Lada ym don ba wan kam ne shimti ia kane ka met iap hapoh katei ka por, ki bor jong ka Hospital kin aiti noh ia kane ka met sha ka Shillong Municipal Board ban leh ia kaba donkam.