Ka tnat pulit jong ka Ri-Bhoi District lyngba u Sr. Superintendent of police la pyntip paidbah bad kyntu ia kiba ha ïing ha sem ne kiba don jingiadei bad uwei u samla rangbah (uba don ha ka rta 30-35 snem) uba la khlad hynnin ka sngi ban wan shimti noh ia ka met jong u na Civil Hospital, Nongpoh.
Katkum ka khubor pulit la iathuh ba hynnin ka sngi (22.05.25) ha ka por kumba 5:38 PM ki la ioh jingtip ba la don uwei u briew uba la set ialade hapoh kawei ka paiñkhana kaba don ha Meera Petrol Pump, Norbong, Ri Bhoi district. Hadien ka jingwanpoi jong ki pulit la pynpait ia ka jingkhang bad la lap ba une u briew ula thiah lyngktar khlem tip briew shuh ryngkat bad u thyrnia injek haka kti ka mon jong u. Naka liang ki pulit ki la pynkit noh mar mar ia u sha Byrnihat PHC ban ioh jingsumar, hynrei haba la poi ki doctor ki pynbna ba u la dep khlad lypa ha shiteng lynti.
Hadien ba la dep ban leh ia baroh ki jingdonkam ia ka met iap jong utei u samla rangbah la pynkit noh sha Civil hospital, Nongpoh ban leh ia ka post mortem examination bad ia ka met jong u la leit buh ha ka jaka buh met iap jong katei ka hospital.
Une u samla rangbah u don ka jingjrong kumba 5.5 ft, u phong da ka patlun jean rong blue ka t-shirt rong pink bad u don ki tattoo ha ka kti ka diang jong u.
