U Deputy Commissioner, East Jaintia Hills District, Khliehriat u pynbna paidbah sha baroh kito ki trai Dewiong ba don kyrteng ha ka Inventory List ba kin sngewbha ban iatreilang bad ka bor pyniaid District ba kin wan shakhmat ban pyni ia u Dewiong/ Depots jong ki.
La pyntip ruh sha ki trai dewiong ba kan sa don ka Joint Inspection jong ki Team na ka Office jong u Deputy Commissioner ka East Jaintia Hills District sha baroh ki Depot jong ki ban pyntikna ia u Dewiong jong ki kumba la bthah na ka Sorkar Meghalaya.
Kumta u DC la kyntu ia ki trai dewiong ban iatreilang khnang ban pynsuk ia ka kynhun (Team) ban ithuh ia ki jaka buh Dewiong /Depots jong ki.