U Deputy Commissioner & Chairman DDMA jong ka East Khasi Hills District ula ai ka jingkyntu ïa baroh ki nongshong shnong jong ka East Khasi Hills District ba ki dei ban kiar jngai na kino kino ki jingtei kiba jrong kumjuh na ki Tower, namar ïoh ba ki khyllem ha kano kano ka por na ka daw jong ka jingjur palat u slap bad ka jingbeh jur jong ka erïong.
Kumta u DC ula ong ba ïa kito ki briew kiba shong ba sah ha kum kitei ki jaka ba don ki jingsynjor jong ki jingtei ba jrong, lah ban pynkynriah jaka sha kiba kham shngaiñ ha kano kano ka por.