Katkum ka jingbthah na ka Directorate of Food Civil Supplies and Consumer Affairs, Meghalaya Shillong ha ka shithi No.DSCATTMA/12/AADHAARNSIL-111/418 Tarik 02nd May 2025 kum shi bynta hapdeng ka jingiaid jong ka Aadhaar Mission Mode Project hapoh ka jylla hi baroh kawei da ka jingkhmih lynti ban pynioh ia ka jylla sha ka 100% hapoh 30.06.2025 jong ka jingpyniasoh ia ki Aadhaar number ha ki Ration Card jong baroh ki nongbam khaw rashon ba hap hapoh ka Scheme National Food Security Act, 2013.
Ha ka jingiadei bad kane ka bynta, ka ophis treikam u Deputy Commissioner (Supply), Khliehriat la bthah bad ban jur ia baroh ki Aadhaar Operating Center hapoh ka District ba la pyniaid da ka ophis jong u Deputy Commissioner, Khliehriat ba kim dei shuh ban oh dor lane shim pisa ia ki nongbam khaw rashon (NFSA beneficiaries) kiba wan mih sha ki center ban leh ia ki jingdonkam na ka bynta u Aadhaar Card jong ki, kita ki long naduh ka jingpynbeit ia ki kyrteng, jingpynbeit ia ki jaka sah (Address) lane ka tarik kha (Date of Birth) kaba khot ka Demographic bad kumjuh ia ka Biometric updates ka jingshon kti lane ka jingshon ia ki khmat, kane ka long lada ki wan mih sha ki center da kaba ki pynbiang ia ki kot ki sla kiba donkam kiba biang. Kane ka jingpyntip kan treikam noh mardor naduh ba la pynmih ia ka tad haduh ban da pynbeit noh da kumwei, iathuh u Deputy Commissioner (Supply), East Jaintia Hills District, Khilehriat.