U I/c Deputy Commissioner bad Chairperson, District Level Implementation Committee, East Jaintia Hills District, Khliehriat u la pynbna paidbah ba ka E- Shram Portal ka dei ka portal ba la pynmih da ka tnad Labour & Employment jong ka Sorkar India ha ka 26th August 2021, da ka jingthmu ban pynrung kyrteng ia baroh ki nongbylla jong ka ri ha katei ka portal, kaba kynthup ia ki nongtrei ASHA, Anganwadi, MGNREGA, Nongtrei Misteri, kiba shong shakri ha ki iing briew, ki Nongrep, kiba treikam lajong, kiba die madan, kiba die dukan, ki nongkhwai, kiba ri jingri bad kiwei pat ki bym biang ka kamai kajih.
Ka jing register lane jingpynrung kyrteng lah ban leh hi da lade lyngba ka link: https://www.eshram.gov.in lane da kaba leit sha ki Common Service Centre(CSC)/ Rainbow Centre kiba don hapoh shnong ne hajan shnong.
Ki kyndon ne ki jingdonkam ia kiba pynrung kyrteng ha ka E-Shram portal ki long kumne:-
Dei ban don hapdeng 16 – 59 snem ka rta, dei ban don ka Aadhaar Card, dei ban don u mobile number ba link bad ka Aadhaar, dei ban don ka Bank Account ba trei kam bad ym dei ban long U/Ka dkhot jong ka EPFO, ESIC lane NPS. Shuh shuh, lah ban kdew hangne ba ka registration lane jingpynrung kyrteng ka long kaba ym donkam ban siew bad ia mynta, ka jingmyntoi ka long ka jingiada lane insurance kaba kot 2 lakh tyngka lada iap aksiden lane dkoh pura bad 1 lakh tyngka lada mynsaw bad dkoh shiteng. Nangne shakhmat ruh, kiwei kiwei ki lad jingiarap na ka liang ka sorkar kin iaid beit lyngba kane ka portal.