U District Magistrate, East Jaintia Hills District, Khliehriat ula pyntip paidbah ba kan don ka jinglehniam Diwali ha ka 4 tarik mynta u bnai ha ka District baroh kawei. Hapoh kane ka por jinglehkmen la don ka jingmana ban pynbthei ia ki pataka ha ki jaka paidbah bad la khang ruh ban pyndonkam ia kino kino ki jingpynbthei kiba ktah ia ka lyer bad kiba pynmih ia ka jingsawa kaba khlaiñ kum ka jingbud ia ki kyndon jong ka NGT.
Na ka liang jong u District Magistrate ula pynmih ia ka hukum 144 Cr.PC kaba la khang ia ka jingdie ia ki pataka kiba wan na bar ri, la khang ruh ban die ia ki bom paka kiba lah ban pynmih ia ka jingsawa ba khlain bor ne kiba pynjakhlia ia ka lyer. La khang ruh ban thang ia ki bom pataka hapoh ka jingjngai ba 100 metar na ki Hospital, kino kino ki jaka sumar, ki jaka pule, ki iing bishar, ki jaka mane blei lane ha kino kino ki jaka ba la khang ban pynmih ia ki jingpynsawa (Silent Zones).
U DM ula shah ban thang ia ki bom pataka tang naduh ka por 11:55 PM haduh 12:30 PM ha ka 4.11.21. Ki nongdie bom pataka ki dei ban ioh ia ka license na ka ophis jong u District Magistrate, East Jaintia Hills District.
Kane ka hukum kan trei kam mardor bad kan treikam haduh ban da kut ka jingrakhe snem thymmai.