Hadien ka jingjia jong ka jingkhlad noh jong uwei u briew ha NH-44E ha ka miet jong ka 2 tarik mynta u bnai, ia uba la tip kyrteng kham hadien kum u Aiban Khymdeit 35 snem ka rta na ka shnong Pyndengumiong, Mairang na ka liang jong u District Magistrate, ka Eastern West Khasi Hills District ula thaw ia ka kynhun tohkit halor katei ka jingjia hapoh ka jingialam jong i kong V.A. Hynñiewta, iba dei i Additional District Magistrate jong ka Eastern West Khasi Hills District.
Ha ka jingiadei bad kane na ka liang jong u DM u kyntu bad khot lada don kino kino kiba don jingtip halor kane ka jingjia ki lah ban wan sha DC ophis, ha Mairang ban ia kynduh ia i kong Hynñiewta na ka bynta ban ioh lum jingtip halor kane ka jingjia naduh ka por 11:00 AM haduh 3:00 PM ha ki sngi longtrei haduh ka 14 tarik mynta u bnai, khnang ba ka jingtohkit kan iaid shaphrang.