U Superintendent of Police ka West Garo Hills District, Tura ula buh ka jingkyntu ia kiba ha ïing ha sem ne kino kino kiba don jingiadei bad kawei ka meirad kaba thiah pang ha Tura Civil Hospital ban wan jngoh ne wan khmih ia ka.
Katkum ka jingiathuh jong u SP ula ong ba ia kane ka meirad kaba don ha ka rta kumba 70 snem eiei la wan pynkit da ka kali 108 ha ka 30/10/2022 ha ka por 6:45 PM ban leit buh sha Tura Civil Hospital (ORTHO Ward) namar ka jingshah lymbub ha ka kali. Ha kane ka jingshah lymbud kane ka meirad kala mynsaw na ka bynta jong ka lbong. Hynrei ia kane ka meirad ym don satia ba synran lang bad kumta la shu ieh sah ia ka hapoh katei ka Hospital.
U SP ula iathuh ba kane ka meirad kam nang wat tang ban iathuh ia la ka jong ka kyrteng bad ka jaka shong jaka sah. Kumta u SP u la kyntu jur ia kino kino kiba don jingiadei bad kane ka meirad ba kin sngewbha ban wan jngoh noh kloi kloi ia ka.