U Superintendent of Police jong ka West Jaiñtia Hills District mynta ka sngi ula pynmih ia ka khubor kaba iadei bad ka jingkyntu ia ki ba ha ïing ne kino kino kiba don jingiadei bad u wei u rangbah ba la 37 snem ei ei ka rta uba la khlad noh ha Civil Hospital, Ialong ia uba la tip kyrteng kum u Birbal Barman ba kin wan shimti noh ia kane ka met iap na katei ka Hospital.
Lada ym don ba wan mih hapoh 3 sngi naduh ba la pynmih ia kane ka khubor na ka liang ki bor pyniaid Hospital kin sa aiti sha ki bor kiba dei peit ban leh ia kaba donkam katkum ka aiñ.
Kum ka jingpyntip na ki Pulit ba u tei u Birbal Barman (37) u don ia ka jingjrong kaba la kumno kumno 5.3 ft, u phong ia ka T Shirt kaba rong Jyrngam bad lieh, ka patlun Jean rong Marun.
Kiba don jingiadei ki lah ruh ban phone ha kine ki number jong ka Dawki Police Station: 9402303222 / 9862370673 bad ha Jowai PCR No: 9774065467 / 03652220782.
