Ka All Meghalaya Contractor & Supplier Association (AMCSA) ha ka 14 tarik Kyllalyngkot 2026 ki la leit kynduh ia u Myntri ka tnad ka koit ka khiah u Bah Wailadmiki Shylla ban iakren haba iadei bad jingpynmih ia ki kam ha Nongstoin, Ri Bhoi, South West bad Jaintia Hills.
Haba kren sha ki lad pathai khubor u General Secretary ka All Meghalaya Contractor & Supplier Association u Bah Emmanuel Syiem Malngiang u la ong ba ha ka jingpynmih kam ha kawei ka health Centre ka mih beit kawei ka package, bad bun na ki kam ki dei beit renovation bad ki repairs work ba kynthup ia ka building bad kumjuh ia ka staff quarter bad ki don kumba 7 8 tylli ki staff quarter ha kawei ka health Centre.
Nalor kata u la ong ba ka Association ka kyrpad ia u Myntri ka tnad ka koit ka khiah ba un phiah ia ki kam haba iadei bad ka jingpynmih kam ha ka tnad ka koit ka khiah khnang ba ki Contractor trai muluk kin ioh ban shimbynta lang ha ki tender.
Na ka liang u Myntri ka tnad ka koit ka khiah u la pyntip sha ka Association kawei ka dei ka jingduna ki technical staff ha kaba uwei u JE u peit lut ia baroh kawei ka district bad kata kaba pynlong ia ka tnad ka koit ka khiah ka pynkhreh beit ia kawei ka package ha kawei ka health Centre , bad ka Association ka la kyrpad ia u Myntri ka tnad ka koit ka khiah ba un peit bha khnang ba ki local Contractor kim dei ban duh bad u la ong ba nangne shakhmat ka tnad ka koit ka khiah kan sa pynbun shuh shuh ki nongtrei khnang ba kin ioh ban phiah ia ki kam ki ban wan nangne shakhmat.
