Ka Dreams Mission jong ka sorkar Jylla ha ka 3 tarik Lber 2025 ka la pynlong ia ka jingialang bad ki kmie ki kpa jong kito ki khynnah kiba la ngop ha ka jingkyrni ban dih ia u drok halor kumno ban iathir iatai bad ki ha kaba iadei bad ka jingshem jingmad jong ki, ban ai ia ka jingiasyllok, ban ai ia ka jingkyrshan bad khamtam eh ban iakren ia ka mat kaba eh bha kaba ki iakynduh ha ka imlang sahlang ha ka jingmad jong ki iaka jingshah ibeiñ bad ka jingshah peit beiñ ha kiwei pat namar ka jingngop jong ki khun jong ki ha une u jait jingdih pynbuaid.
Haba kren sha ki lad pathai khubor na ka liang u Bah Francis Kharshiing, Mission Director u la ong kane ka dei ka sien jam kaba nyngkong kaba na ka liang ka Sorkar ka kwah ban ai ka jingkyrshan ha kano ka rukom ngi kwah ban kyrshan ia ki, bad ha kano ka rukom ngi kwah ban ai lad ia ki, bad khamtam eh ia ka jingshah ibeiñ, ngi kwah ban pynduh noh ia kane ka jingshah ibeiñ.
Na ka liang u Bah Francis G Kharshiing u la ong u khot ia kane ka jingialang bad ki kmie ki kpa, kynthup ia ki counsellor kum i Dr. Rica Lamar jong ka Manbha Foundation bad i la ai jingkren na ka liang jong i kumno ban pynkhlaiñ ia ka jingpyrkhat jong kine ki kmie ki kpa bad kane ka dei ka sien ba nyngkong khamtam na ka sorkar ba ka kwah ban ai jingkyrshan ia kine ki briew .
Shuh shuh u la bynrap kane kam long kum ka pang ka shitom, hynrei kane ka jingpang jong ka jingkyrnih dih droks ka ktah ym tang ia u khynnah ne ka khynnah kiba dih ia u droks, hynrei ka ktah ia ka longïing longsem.
Na ka liang ka Dream Mission ka sngewthuh ia ka jingjynjar ka jingkordit jong ki kmie ki kpa bad ngin sa khot ia kane ka jingialang ban ai jingkyrshan ia ki kmie ki kpa ula ban shuh shuh.
