Ka Jaintia Students Movement (Western Region) hynne ka sngi hadien ka jingialang ki Excutive Committee (EC) ka Western Region da ka wei ka sur kila rai ban kyrshan pura ia ka Peace Rally jong ka Jaintia Youth Federation (JYF) CB, halor ka jingleh mynthi ka Sorkar MDA bad khamtam u Eductation Minister badon burom u Lahkmen Rymbui.
Ka jing pyllong ka JYF ia kane ka Peace Rally ka ban long ha ka 5/11/21 kata naduh lad College KNGCJ shaduh DC Office, namar hadien ka jingai por na ka liang ka Seng la katto katne sngi ia ka sorkar. Ka jingdawa kadei thik tang ia ki Khynnah Skul (Fresh Student) kiba thep admission ha Kiang Nangbah Govt. College Class XI ter ter bad haduh mynta kim pat ioh admission ha katei ka jaka pule ba don ha Jowai, West Jaintia Hills District.
Te, na ka liang ka JSM ka rai ban kyrshan ia kane ka jingiakhih kaba dei ka mat (isdsue) ba donkam khamtam ia kito ki khynnah skul ba wan na ki long ïing baduk, ki bym ioh lad ban leit pule sha ki College jong ki riew shimet (Private College).
Kum ka jingpynkynmaw ba ka JSM na ka por sha ka por ka Dawa ban ioh sa kawei ka College Sorkar (Govt College) ha East Jaintia Hills khnang ba kan kham pynduna ia kane ka jingeh kaba ki samla pule ki ia kynduh, pynpaw ka kyrwoh na ki Nongialam JSM Western Region R. Biam President (WR) bad u C. Suchiang GS (WR)