Ka KSU Wapung Unit ka pynpaw ia ka jingkyrshan ba pura ia ka Dorbar Shnong Wapung skur halor ka mat ban ym ailad ia ka jingthmu ka OM COKE ban tei iaka LAM COKE Manufacturing Unit hapoh u pud u sam ka shnong Wapungskur.
Ka seng kumba la ju ieng ha ka nongrim ban iada iaka khyndew ka shyiap ka ri, mynta ka kynti ruh ka pynpaw ban ai jingkyrshan pura ia ka Dorbar Shnong Wapung Skur ban nym ailad satia ban tei iakatei ka kharkhana.
Ka seng ka dawa na ka Meghalaya State Pollution Control Board (MSPCB) ban pynduh pyndam shisyndon ia ka CTE (Consent to Establish) bad ruh ban nym iaid sha khmat ban ai ia kiwei pat ki jingbit.
ka KSU ka dawa ruh na u Dolloi ban pynduh pyndam ia ka NOC bad na u Waheh shnong ka Mookhep kumjuh.
Kum ban shu pynkynmaw ka KSU ha ki snem ba la dep ka la ujor pyrshah ia kawei na ki coke plant kata ka Abhi Coke kaba don ha Mookhep sha ka MSPCB hynrei haduh mynta um shym la iohi ki dak ki shin ban teh lakam ia ka jingmih ki jakhlia na katei ka Coke plant.
Ka seng halor kane kan sa iai buddien shen bad yn sa shim ki lad ki lynti ba tyngeh.