Ka ALL GARO COOK CUM HELPERS ASSOCIATION hapoh ka jingialam jong ka Jakme Sangma kum ka President bad u Maltin Momin kum u General Secretary kila wan shakhmat ban ia snohkti ban kyrshan ia ka Union of Cook Cum Helper PM Poshan Meghalaya Shillong bad ban kyrshan ia ki jingdawa ne kyrpad jong ka sha ka Sorkar pdeng ia ki jingeh jong ki Nongshet ja sngi ha ki skul kiba don ha Jylla Meghalaya bad ka thaiñ shatei lam mihngi jong ka Ri India.
Ha ka jingialang kaba la long ha ka 23 u bnai Rymphang jong une u snem 2024 kaba la long ha sor William Nagar kaba dei ka head Quarters jong ka East Garo Hills Districts, ha kane ka jingialang la pyniaid da u Paul D Sangma. la ia donlang ki Cook kiba marjan bad ka William Nagar ha kane ka jingialang ki cook ki ia don kumba 600 ngut eiei bad napdeng kine kumba 360 ngut tam ki dei ki nongkitkam bad ki nongialam jong ki tnat treikam baroh ki District jong ka Rilum Garo kila wan iashim bynta da ka jingshitrhem.
Ha ka jingiadonlang ki nong kitkam jong ka UCCH PM Poshan Meghalaya Shillong kila wan naduh i Adviser Ma K L Pariat bad i President i kong Banalis Syiem i Assistant Secretary i bah Charles Shongwan bad kiwei de ki nongkitkam ba ha khmat jong ka central body.
La ioh ia ka jingkren pdiang sngewbha da i Smt Jakme Sangma.
Laioh ka jingkren na i President i kong Banalis Syiem kum ban pynsngew ia ki Cook baroh kiba don ha ki thaiñ Garo ban long kiba tylli lang kawei kum ki nongshong shnong jong ka Jylla Meghalaya hi ban wan sha khmat ban kyrpad ia ka sorkar ban pynurlong ia ki jingangnud jong ki Cook baroh shi katta.
La ioh ka jingkren na i Adiver u la pynsngewthuh halor ki mat ba ka UCCH PM Poshan kala wan sha khmat ban kyrpad na ka sorkar ia ka ban pynkiew ia ka Honorarium, ka Meternity leave, ka jingpynioh jingsiew baroh 12 bnai, ka jingpynbiang LPG ha baroh ki jaka shet ja ka PM Poshan bad ula pynsngew ruh ia ki kam kiba ka Union kala trei baroh shi katta.