Ka seng ki TouristTaxi Drives Ladrymbai To Kalain Badarpur Association (TTDLKBA) East Jaintia Hills District ka ai jingkyrshan pura ia ka seng KSU East Jaintia Hills Ditrict Unit kaba la khang ia ka Toll Gate Plaza ka ba don ha Lumshnong.
Ka daw hi ka jingkyrshan jong ka seng ka long namar ba Toll Gate ka la shu khrong pisa man ka sngi hynrei ia u surok pat ka khlem pynbha, kaba la buh jingeh ia ka leit ka wan ki paidbah kiba iaid lynti na Ladrymbai shaduh Kalin kumjuh na Khliehriat bad kumta ter.
Kane ka jingsniew jong u surok NH-6 ka long baroh shi lynter naduh West Jaintia shaduh East Jaintia Hills District kumta lymda ka NHAI kam lah ban pynbha ia une u surokbah ka bha ba khang ne ban sangeh shwa ka jingkhrong pisa lyngba ki Toll Gate Plaza jong ka.
Kane ka long katkum ka kyrwoh ba la phah da u President ka TTDLKBA ma Happy Rymbai.