Ka jingïalang ban iasyllok ban kyrshan ia ka jylla Meghalaya bad ka jingiakynduh bad jingiasyllok jong ki Minister Sports, Secretary Sports, ki nongmihkhmat na ki State Olympic Association na ki jylla North East kiba ia snoh lang ha ka rynsan North East Sports Association (NESA) ki la pynpaw ïa ka jingkyrshan bad ka jingkmen ia ka jylla Meghalaya ban pynlong ïa ka 39th National Games ha u snem 2027.
Ki nongmihkhmat na ki State Olympic Associations kiba ïadonlang ha kane ka sngi ki long u Er. Taba Tedir, President, Arunachal Olympic Association, Bamang Tago, Secretary General, Arunachal Olympic Association, Dhruba Jyoti Kalita, Joint Secretary, Assam Olympic Association, Hiren Gogoi, Joint Secretary, Assam Olympic Association, Rachandra Singh, Vice President, Manipur Olympic Association, Bah John F. Kharshiing, Working President, Meghalaya State Olympic Association, Bah Finely L. Pariat, General Secretary, Meghalaya State Olympic Association, V. Lalzawmliana, Secretary General, Mizoram Olympic Association, Neivikuolie Khatsu, Assistant Secretary General, Nagaland Olympic Association, Mahindra Dhakal, Joint Secretary, Sikkim Olympic Association, Sujit Roy, General Secretary, Tripura Olympic Association.
Ha kane ka sngi ka la don ka jingiakren ruh bad u Conrad K. Sangma, Myntri Rangbah ka jylla Meghalaya, uba la shah ai burom da ki nongmihkhmat na ki State Olympic Associations jong ki jylla Arunachal Pradesh, Assam, Manipur, Mizoram, Meghalaya, Nagaland, Sikkim bad Tripura ha ka jingïalang kaba la long ha State Convention Centre, Shillong, halor ka lah jong u ban iohi jngai ban pynkhreh ïa ka Meghalaya ban pynlong ïa ka 39th National Games ha u snem 2027.
Ia kane ka kynhun la lamkhmat da u Bah John F. Kharshiing, Working President jong ka Meghalaya State Olympic Association (MSOA) Secretary General, North East Sports Association (NESA). Ha katei ka jingïalang la sakhi lang ruh ia ka jingdon jong u Kento Jini, Myntri Sports ka Arunachal Pradesh bad u Shri A.T. Mondal, Myntri Bording ka Meghalaya.
Ha kane ka jingïalang, u Myntri ba khmih ia ka Kam ialehkai ka jylla, Bah Shakliar Warjri u la kyntu ïa baroh ki jylla ka thaiñ ban wan shakhmat ban ïatrei lang ban pynlong ïa kane ka lympung National Games kaba long kaba khraw tam kaban long hapoh North East hadien 20 snem. Ka Manipur ka la pynlong nyngkong ha u snem 1999 bad ka Assam ha u snem 2007. Bad hadien ba kitei ki jylla Manipur bad Assam ki la pynlong ia ka National Games ki la lah ban sei ia ki Olympian hadien 12-15 snem.
Kawei na ki mat ba kongsan tam ka long ka jingtyrwa na ka tnad Sorkar India ka Union Ministry of Home Affairs, Sorkar Pdeng, ba ki 7 tylli ki jylla Shatei Lam Mihngi kin shim bynta da kaba pynlong kawei ka lympung sports ha ka 39th National Games, kum ka dak jong ka jingïatylli bad ka jingïatrei lang ha ka thaiñ.
