Ka Jaiñtia National Council (JNC) haka kyrwoh na u Publicity Secretary bah Mebanteilang Sukhlaiñ ka pynsngew ba “katno tam ngi pynpaw ka jingsngewkhia halor ka jingshah ktah ki nongshong shnong ka thaiñ Narpuh lyngba u surok NH-6 uba la jot rathai sha ba palat katba nang mih ki sngi ki ia, nalor ka jingther jong u slap bah ha kine ki sngi kiba mynta”.
Ka seng ka pynpaw ruh ba katno tam ka ktah iaka leit ka wan khamtam kiba pli ki khynnah skul, ki nongbylla ki nongpang bad kiwei kiwei, sa katno kane kan sa iai long sohpdung iaki nong shong shnong jong ka thaiñ? Kylli ka JNC.
Kum ban shu pynkynmaw ba ha u snem ba ladep kata haka 13 octotober 2023 ka seng ka ladep ban ujor shaduh sha Ministry of Road Transport and Highway (MoRTH) ka sorkar kmie naka bynta une u surok bad lah ioh ruh iaka jubab ba dei ban pynshna noh, kata ka Ministry kala dep ban phah iaka NHAI ba dei ban thung Contractor noh, bad naka Liang ka NHAI ka la dep ban thung daka M/s SL Infra ban maramot iaka surok na sonapur shaduh Ratacherra lem bad ka MR constitution ha baroh u NH-6 ka District, phewse kane kam shym la ur long satia haduh mynta, imat ka don aiu re aiu sha lyndet
Ka seng ka buh ruh ka jingkylli shano jah ka DMF? (District Mineral Foundation) kaba dei ban peit iaka eh ka shon khamtam iaki to kiba shah ktah haka limestone mining lyngba ki Company bapher bapher. Ngi ngi buh ruh ka jingkylli ba lada iaka DMF ki lah ban pyntreikam lane ban shna surok sha ki jaka ki bym shah ktah (non- affected areas) te kan eh aiu iaki ban pynshna ia une u surok bah badon ha ki jaka ba shah ktah (affected areas).
Kane ka jingleh tohmet jong ka sorkar ka long shaba palat bad Kan sa poi ka por ba ki paidbah kin sa pan jingkheiñ naka katkum ki jingleh Jong ka.
Naka liang Jong ka seng ka ai ka jingkyrshan kaba pura iaka jingiakhih pakhang surok Jong ka JAC kaba khlem da buh por bad ka seng ruh kan sa phah ia ki dkhot jong ka khamtam ki dkhot ka thaiñ Narpuh ban iadon bynta lang bad kane ka jingiakhih. Kyntang iawai ka Seng kan nym shong kli kti bad kan sa wad ki lad ki lynti ha ki bor ba rit jong ka ban leh iakaba donkam eh naka bynta ka bha ka miat jong u paidbah.