-Na ka daw ba shah niewbeiñ ki trai ri trai muluk ha ki Karkhana shna cement, yn kyrshan pura ka JSU seng kmie ia ka jingiakhih bala pynlong da ka JHTOA naduh ka 5 tarik mynta u bnai-
Ka seng ha ki snem ba lah dep ka lah juh don bynta lang ban ai ka jingkyrshan ha ki jingiakhih bala juh pynlong da ka JHTOA halor ban pynkiew ia ka bai kit bad ha kajuh ka por ba ki karkhana shna cement ba kin ai noh da ka bai kit thymmai lyngba ka Notification ba la ai da ka Sorkar jylla.
“Mynta pat kaba phylla ka long ba kine ki karkhana ki pynduh wat ban ai load ia ki kali ki trai ri. Ka jingleh heh jong kine ki karkhana ka lah pyndom ia ngi ki trai ri trai muluk bad kim burom ia ka jaitbriew jong ngi” ong ka seng.
Ka seng ka la maham tyngeh ruh ia kine ki karkhana shna cement ba kidei ban ai load ia ki kali jong ki trai ri kum ka soskular kaba ki la soi bad ka Association bad ban burom ruh ia ki trai ri trai muluk khlem da nion beiñ iaka dor.
Ka Seng kan iaid da ka lynti ba tyngeh lada kine ki karkhana kim pdiang ia ki jingdawa kaba shong nia jong ka Association.
Kane ka long katkum ka khubor ba la phah da u Publicity Secretary ka seng u Samla Dapmain Suchiang.