Ka seng jong ki nongniah kali hapoh ka lama jong ka East Jaiñtia Hills District kaba tip kum ka East Jaiñtia Hills Driver Association (EJHDA) ka ai ia ka jingkyrshan ba pura ia ka jingdawa jong ka East Jaiñtia Taxi Owner and Driver Association (EJTODA) ban dawa thung ia u Motor Vehicle Inspector (MVI) hapoh ar taiew ha ka office jong u DTO, East Jaiñtia Hills, District Khiehriat.
Ka EJHDA ruh ka sngewkhia ha ka jingiadei bad ka jingbymdon MVI ha East Jaiñtia la bun bnai mynta, namar ka ktah shibun ia ki paidbah ba iadei kam bad katei ka ophis ba kin ioh ban pyndep ia ki kot ki sla ki kali jong ki khamtam ki kali kamai namar ba tang katto katne por ki la hap ban pynthymmai ia ki kot ki sla jong ki, pynkut ka kyrwoh na u President EJHDA u ma L. Dkhar.