Ka seng JSU kam lah ban shu sngap jar haba ki trai ri ki shah nioñ bein haki karkhana Cement hapoh ri lum Jaintia, ka JSU ka lah iaid lynti la kham slem ban ai jingkyrshan ia ka jingdawa ka JHTOA ban ioh ia ka dor kaba bit ban kit cement wat ka sorkar ruh ka lah dep bthah ia kitei ki karkhana cement ban pdiang ia ka jingdawa ka JHTOA hynrei ki heh jong ki cement ki dang leh mynthi bad kyllaiñ ktien wad haba la don ka jingiateh kular ha khamt u DC ka East Jaintia ban pdiang ia ka order ba lah bthah da ka sorkar jylla.
Ka seng ka phah ka khubor kaba shai sha ki karkhana cement ba ki dei ban bud ia ka order ba lah dep bthah ka sorkar bad kim dei shuh ban kyllaiñ ktien ne leh khlieh shrieh katba ki dang buh ia ki karkhana jong ki hapoh ki jaka ba long trai da ki trai ri trai muluk bad ki kharkhana cement ki dei hok ban sngap bad iarap ia ki nongkhaïì trai ri ym ban ailad ban kit dewbilat da ki nongkhaiì bar jylla.
Ka seng ka ai jingkyrshan ia ka jingkhot strike ne iakhih ka JHTOA ban pynurlong ia ka jingdawa bad ka seng ka kren shai ba kan ym shim jingkit khlieh lada jia ba mih kano kano ka jingjia ba sngewsih hapdeng kane ka jingiakhih.