Ka Seng Federation of Khasi Jaintia and Garo People (FKJGP), South Eastern Border Area Circle ka la kynnoh ba ki 12 tylli ki shnong jong ka thaiñ border kaba kynthup naduh ka shnong Umsatai Ladwahwapung, Deinsatlang Pynurkba, Bataw, Umlyngsha Lakadong ter ter shaduh Lama Borghat ki la shong hapoh ka jingdum khlem bording naduh ka 23 tarik mynta u bnai haduh mynta ba la thoh ia ka khubor.
Ka FKJGP-SEBA Circle ka dawa ia ki bor ba dei khmih jong ka tnad MeECL hapoh East Jaiñtia Hills District Khliehriat ban pynkloi noh ban pynbiang ia ka bor ding namar ha kine ki sngi kiba bun ki longïing ki shet ki tiew da ka bor ding lait, khamtam ki khynnah skul kiba donkam ia ka lait ban pule kot ha ka por miet.
Ka seng ka ban jur ruh ba dei ban maramot kloi ha ki jaka ba sniew khnang ba ki paidbah ki ioh bording kham kloi, ong ka ka kyrwoh khubor ba la phah lyngba u President, Bah Mathew Pajat.