Ia ka met iap jong u Ishaque Ali Khan Panna uba long kum u nonglam khmat ka seng sain pyrthei ka Bangladesh kaba tip kum ka Awami League, la wan ban shimti noh da kiba ha ïing jong u hynne ka step jong ka 31.08.2024 na Khliehriat Civil Hospital, East Jaintia Hills District.
Ha kaba ia ka metiap jong u la pyniiad lyngba sha Bangladesh lyngba ka Dawki Land Port ryngkat ka jingdonlang ki bor jong ka aiñ jong baroh ar tylli ki ri. Katba ia ka metiap jong u yn pynpoi sa ka shnong jong u ha Pirojpur District, Bangladesh. Na ka liang kaExternal Affairs jong ka ri India ka la iatreilang bad ka Ministry of Foreign Affairs ka ri Bangladesh kumjuh bad ka sorkar Meghalaya na ka bynta ban aiti ia ka met iap jong u Panna
U Panna uba long ruh kum u General Secretary ka Bangladesh Chhatra League bad u dkhot ka Pirojpur District Awami League bad uba don ka jingiajan bha bad Sheikh Hasina kaba long ka Prime Minister barim jong ka ri Bangladesh.
La pynlong ia u u Panna ban thmu ban phet rieh sha India hadien ka jingiakhih kaba jur ha ri Bangladesh, ha kaba u la thmu phet rieh sha India ha ka 23 August, 2024, ha kaba ia ka met iap jong u la lap ha kawei ka bri ha Dona Bhoi, East Jaiñtia Hills ha ka 26 August ryngkat ka Passport jong u. ka jaka ba lap ia ka met iap jong u la antad kaba jngai kumba 1.5 KM na Indo-Bangladesh border.
