U I/c Deputy Commissioner (Supply), East Jaintia Hills District, Khliehriat ula pyntip paidbah ba la buhdor thymmai ia ka Umphniang sharak na ka bynta u bnai Naiweing 2021, namar ka jingiai kiew dor jong ka umphiang sharak manla ka shisien ha ka ar taiew.
Ka dor dielang ha Khliehriat ka long Rs.55.00, ha Sonapur Oil Agency ka long Rs.55.30 bad ha Sutnga Sub-Depot ka dor ka long Rs.58.95.
Ka dor die khutia ha Khliehriat ka long Rs.56.90, ha Sonapur Oil Agency ka long Rs.57.20 bad ha Sutnga-Sub-Depot ka long Rs.60.87. Ka dor na ka bynta ki Fair Price Shop kiba don shabar na ka jingjngai ba 5 Km na ka jaka dielang kum na Khliehriat, Sonapur bad Sutnga yn buh dor da ka Vigilance Committee. Kane ka hukum kan treikam noh mardor tad haduh ban da pynmih da kawei pat.