Mynta ka dei ka sngi kynman ia ki riew ieit ri kiba la pha ia la ka jingim (Martar) na ka bynta ka ri ne kata ka ‘Martyrs Day’ bad la pynlong ia ka jingleh burom ha ki bynta bapher bapher jong ka ri India kynthup hangne ha Jylla Meghalaya ruh.
Ha Raj Bhavan, Shillong baroh ki nongtrei jong ka naduh ki ophisar bad ki nongtrei kila leit ban buh syntiew ha u dur mot jong u Mahatma Gandhi ula long u riewshlur ban pynioh jinglaitluid ia ka ri India.
Ha ka khubor jong u Lat ka Jylla u Phagu Chauhan ula pynpaw ka jingburom ia u Kpa ka jaitbynriew uba la noh synniang sha ka jingpynioh laitluid ia ka ri India, kumjuh ruh u la pynpaw ka burom ia kiwei de ki riew ieit ri kiba la pha iala ka jong ka jingim na ka bynta ban pynioh jinglaitluid ia la ka jong ka ri.
Ia ka jingialang ha Raj Bhavan la pyniaid da u Commissioner & Secretary to the Governor u Dr. BDR Tiwary, IAS, kala don ruh ka jingsngap jar kum ka dak jong ka jingburom ia ki Martar jong ka ri.
Ha Main Secretariat ruh la pynlong ia kane ka jingleit buh syntiew ha ka dur Mot jong u Mahatma Gandhi, kaba la iashim bynta da ki heh ophisar bad nongtrei.
