Kum shi bynta ban pynneh pynsah ia ki dohum dohpnad kiba don ha ki bynta jong ka Wah Mynriang na ka liang ka All Jaintia Environmental & Social Welfare Society (AJESWS) mynta ka sngi kala leit ban ia kynduh ia u Deputy Commissioner ka West Jaintia Hills District u ma Garod LSN Dykes na ka bynta ban kyrpad ia u ban shimkhia ban pynlong noh ia ka Wah Mynriang ha ki bynta jong ka shnong Ksehryngshang bad Nongjngi kum ka Fish Santuary nangne sha khmat.
Ka seng ka la ioh ruh ban ai da ka jingthoh sha utei u khliehduh jong ka District ha kaba na ka liang jong u ruh u la kular bad thaw ki lad ki lynti ban pynurlong ia kane ka jingkyrpad jong ka AJESWS. Ha ka juh ka por ka seng kala kyrpad ia u DC ban pynmih ia ka hukum ka ban khang ia ka jingpyniap pathar ia ki dohum kiba don ha kane ka wah.
Na ka liang jong u ma Garod ula khot ruh ia ka jingiatreilang jong ka Society na ka bynta ban sumar bad ban iada ia kane ka wah kaba don ha ki bynta jong ka shnong Ksehrynshang.