Haka 20 tarik ka JNC Western Zone hapoh ka jingialam khmat u President jong ka u bah Hamehi Bamon ryngkat bad ki dkhot ka seng ki la ioh iaka jingud jingnam jong ki paitbah naka bynta bym don network Airtel ha Woodland WK hospital kaba don haka shnong Sabahmuswang, West Jaiñtia Hills District.
Ha kane hi ka sngi ka seng ka leit ban jurip haka Hospital Woodland WK ka seng ka lap ba ym don network shi sha ha kane ka hospital kumjuh ruh ka tlot bha ka rukom treikam ka network Airtel sha kane ka thaiñ.
Te kumta ka seng ka la leit ban dawa haka ïing treikam jong ka ophis Airtel ban pynbiang network wut wut khlem da pynslem shuh sha kine ki thaiñ khamtam haka Hospital woodland WK. Ka seng ka la dawa ruh ban buh u wei u Tower ba thymmai haka shnong Sabahmuswang bad ka la maham ruh iaki lada kim leh kloi katkum ka jingdawa jong ka, ka seng kan sakhang khyrdep ha baroh ki ophis trei kam jong ka Airtel kiba don hapoh jong ka Ri Lum Jaintia.
Haka 27 tarik January haka por janmiet u Manager jong ka company Airtel na Shillong u la pynlong daka conference metting lyngba ka phone call ryngkat bad u bah Hamehi Bamon, President ka JNC Western Zone ryngkat bad ki heh jong kane ka Airtel company.
Ha kane ka meeting naka liang jong ka Airtel company ka la rai ban shna u wei u tower thymmai haka shnong Sabahmuswang kat kum ba la dawa da ka seng. Ka company ka la kyrpad ruh iaka seng JNC ban iarap iaka ban wat jaka katkum ka Location ba biang, naka liang jong ka seng ka la shimkhia wut wut naka bynta kane ka kam bad ka la pynioh ruh iaka jaka ka ba don marsyndah ka Hospital Woodland WK Sabahmuswang.
Katba mynne mynstep jong ka 28 tarik, naka liang ki briew jong ka Airtel ki la wan ban peit (Survey) ia kata ka jaka ban buh tower ba lah iakren daka seng, bad ki la kular ruh ban pynieng ban shna wut wut ia une u Tower ba thymmai haka shnong Sabahmuswang. U bah Hamehi u pynpaw ka jingsngewnguh shi katdei iaka Airtel company baka la sngap iaka jingdawa ka seng na ka bynta ka jingmyntoi u paitbah.
