U Sub-Divisional Magistrate ka Amlarem Civil Sub-Division, Amlarem ula pynmih ia ka hukum mynta ka sngi ba la khang pyrshah ia ki riew paidbah ban ialang kynhun ne palat ia ka 5 ngut hapoh ka 5 Km na ki bynta khappud ka India bad Bangladesh.
Ia kane ka hukum la hap ban pymih, namar ba u SDO ka Amlarem ula ioh ia ka jingujor na u Commandant ka 20 BN BSF Umpliang katkum ka shithi No. Ops/CRPC/30Bn/2021/4086-89,Dt. 02. 09. 2021 kaba iathuh ba ki ki don katto katne ki riew shim kabu kiba don jingmut ban wanrah ia ki kam sniew ne ki kam khaïi beaiñ kaba lah ban ktah ia ka shong suk shong shngaiñ jong ki nongshong shnong khappud.
Kumta kane ka hukum kan treikam noh naduh bala pynmih ia ka tad haduh ban da pynmih da ka wei pat. Kino kino kiba ialeh pyrshah kin hap ha ka jingpynshitom jong ka aiñ pynkut ka hukum.