U District Magistrate ka West Jaiñtia Hills katkum ka kyndon 163 BNSS, ula pyntip ba la khang pyrshah ban pynlong ïa ka jingpynïatur masi lane ïa kiwei de ki jait pynïashoh mrad, kiba la ju mlien ban leh ha ki por ba pynlong ïa ki Fete bad kiwei de ki tamasa ha hapoh ka District.
Kane ka hukum kala batai ba lada shah ban pynlong ia ka jingïatur, ka long kum ka jingpynkheiñ ïa ka kyndon ba 11 jong ka Prevention of Cruelty to Animal Act, 1960 kumjuh ïa ka hukum jong ka ïing bishar (Supreme Court) kaba khang pyrshah ïa kane ka jingïatur masi naduh bala dep shim bishar ha u snem 2014.
U District Magistrate jong ka West Jaiñtia Hills ula ong ba kino kino kiba pynkheiñ ïa kane ka hukum kin shah pynshitom katkum ki kyndon jong ka aiñ.