Na ka daw jong ka jingiai jia ka jingsakut kali barabor ha ki bynta jong u surok naduh na ïaw Chyiap shaduh Chutwakhu bad ter ter shaduh sha Mission Compound kumta na ka liang ka ophis treikam jong ka Chutwakhu Social Welfare Local Durbar, Jowai kala pynmih ia ka hukum ba la khang pyrshah ia baroh ki kali ba kim dei shuh ban pynieng ha baroh ar liang jong u suruk kiba hap hapoh u pud u sam jong ka shnong. Kane ka jingsahkut kali ba man la ka por kala buh jingeh kaba khraw ia ki nongleit nongwan khamtam ia ki khynnah skul, ki nongleit trei sorkar bad kiwei. Hynrei ka shnong ka ai lad pat ia ki khun ka shnong ba lada jia ha ka im ka iap ne kino kino ki jingjia ki lah ban pynieng ia ki kali ha kitei ki bynta da kaba ai jingtip shwa sha ka ophis trei kam jong ka shnong Chutwakhu.