U Superintendent of Police, ka West Jaiñtia Hills District ha ka jingpynmih khubor mynta ka sngi u la pyntip sha ki paitbah ba wat lada ki bor jong ka aiñ ki la dep ban khang pyrshah ban thied lane ban die ia kino kino ki tiar second hand ba long electronic devices kum ki mobile phone bad kiwei kiwei pynban ka tnat Pulit ka dang lap ba ki dang don kiba dang iai leh ia kane ka kam.
Kumta na ka liang ka ophis u SP sa shisien kala pynmih biang ia kane ka hukum ban khang pyrshah ban thied ia kino kino ki tiar Second Hand kum ki Mobile Phone, na kino kino ki briew bym ithuh ithaw lane na ki briew ki bym lah ban pynshisha ba ki dei ki trai jong kitei ki mar namar ka jingthied lymmuh ia kum kine mar ka long kaba beaiñ bad ki nongthied ki lah ban ngat ha ka jingpynshitom.
U SP u la pan ruh ka jingïatreilang bad ki paitbah lada ki don jingtip ia kito ki briew kiba ju mlien ban die ia ki tiar ki tar da kaba ki shu tuh, ki dei ban pyntip mar mar sha ka Police Station khnang ban ioh leh ia kaba donkam.