U Deputy Commissioner ka East Jaintia Hills District ha ka jingpyllait khubor jong u, u la pyntip ba la khot application na ki khynnah pule kiba long ki nongshong shnong ba pura ka jylla Meghalaya kiba pule hapoh ka jylla bad shabar ka jylla ban apply ia ka Fresh bad Renewal grant na ka bynta u snem 2023-24 jong ka North Eastern Council Merit Scholarship na ka bynta ki khynnah pule kiba leit pyntbit ha ka Diploma, Degree, Post-Graduate ne M.Phil/Ph,D ha kino kino ki jaka pule ba la ithuh da ka sorkar jylla.
Ki khynnah pule ki hap ban pynbiang ia ki PRC na u Deputy Commissioner ryngkat bad kiwei pat ki kot ki sla katkum ka guidelines ba la pynmih, bad la ai jingmut ia ki khynnah pule ban da pule bha shuwa ia ki guidelines kane ka scheme ha shwa ba kin pyndap online ia ki application jong ki.
Ki khynnah pule kiba dang apply nyngkong ki hap ban phah online ia ki application jong ki lyngba ka website www.scholarships.gov.in, katba ia ka renewal application form na ka bynta ka Merit Scholarship ki khynnah pule ki lah ban download ia ka form da kaba leit ha ka link https:// megeducation.gov.in /dhte/pages /scholarship_ forms.html.
La khot application ruh na ki khynnah pule kiba dei ki nongshong shnong ba pura ka jylla Meghalaya na ka bynta u snem 2023-24 na ka bynta ka Central Sector Scheme of Scholarship ia ki khynnah pule kiba don ha ki College bad University (na ka bynta ka fresh bad renewal) ban bei da ka Ministry of Education, Department of Higher Education, ka sorkar India. Ia ki applications, ki khynnah pule ki hap ban submit online lyngba ka Portal jong ka National Scholarship (NSP), kata www.scholarships.gov.in
Ka tarik ba khatduh ban pynpoi ia ki applications na ka bynta baroh ar ki scholarships ka long ha ka 31 tarik u Nohprah, 2023. Na ka bynta ki jingtip kiba kham bniah, ki khynnah pule ki lah ban leit ha ka website www.scholarships.gov.in (DPRO Khliehriat)