Ka samla Langki Tyngkra na ka shnong Nongjngi Lumlyngdoh kaba la jah na la ïing naduh ka 16 tarik mynta u bnai la lap noh hynnien janmiet 19.08.2024 ha ka por 9 shiteng mynmiet da ka seng HNYF West Jaiñtia Zone, ha ka jingïalam jong u Vice President (C.R. Ryngki) bad u Asst Secretary (Nicky Sten), Organizing Secretary (Kerkihame Syrti) lem bad ki dkhot katto katne ngut.
Na ka liang ka seng ka pynpaw ka jingsngew nguh ïa u Blei ba uba la don ryngkat lem bad ka ïing ka sem jong ka kong Kop Tyngkra hi baroh kawei. Ka Seng HNYF West Jaiñtia Zone, ka ai khublei ïa ki paidbah jong ka Bri u Hynñiewtrep baroh kawei kiba la ïa trei lang ban wad ïa katei ka samla.
Ka seng HNYF West Jaiñtia Zone, ka kyntu ïa kino kino ki paidbah kiba shem jingeh ba kin sngewbha ban pyntip sha ka Seng. La pynkut ka kyrwoh na u Vice President West Jaintia Zone u C. R. Ryngki.