U wei u samla u ba la tip kyrteng kum u Ribil Dkhar uba na ka shnong Myrjai, uba la suba ba ula jah naduh ka 15 tarik mynta u bnai hadien ba ula mih na la ïing ha ka por 5:30 mynstep da ka kali Celeirio rong Blue kaba don ia u Reg. No. ML05 AB 6706, la lap ia u mynta ka sngi ryngkat ka kali jong u na ka shnong Khanduli.
La iathuh ba ki ba haïing kim ioh jingtip ia ka jingdon jong u ka long na ka daw ba ka mobile phone jong u kala jah noh na u, te um lah shuh ban ia kren bad kiba haïing hasem jong u bad ka jingleit jong u sha katei ka thaiñ ka dei na ka bynta ki kam ki jam jong u hi.
Na ka liang kiba haïing hasem jong u ki ai khublei ia baroh kiba la don bynta lang ha ka ban wad ia u Ribil.