Ka kynhun ba 10 ngut jong ki nongthoh khubor na ka jylla Meghalaya kila wan poi ha Bhubaneswar mynta ka sngi kaba long shi bynta na ka Press Tour sha ka jylla Odisha hapoh ka prokram Viksit Bharat Sankalp Yatra (VBSY). Ki nongtrei jong ka PIB Bhubaneswar ki la pynlong ka jingpdiang burom ia kine ki nongthoh khubor ha katei ka nongbah.
Ka jingthmu ba kongsan jong kane ka Press Tour ka long ban pynioh ia ki lad pathai khubor ka lad ban sngewthuh ia ka jinglong jingman kaba na tynrai halor ka jingiadei bad ka jingpyntrei ia ki skhim jong ka sorkar pdeng hapoh Odisha bad ruh ban iohi haduh katno ka jingroi jingpar lyngba ka jingpyntrei ia kine ki skhim hapoh katei ka jylla.
Ha ki 4 sngi ki jingleit jngoh jong ki ia ka Odisha kane ka kynhun kan leit jngoh ia ka Netaji Birth Museum bad ka Maritime Museum. Kin leit jngoh ia ka ICAR-Central Institute for Women in Agriculture (ICAR-CIWA), kawei na ki institution kaba nyngkong eh kum kane hapoh ka ri India, ia ka CSIR – Institute of Minerals and Materials Technology Council of Scientific and Industrial Research (CSIR), Bhubaneswar kumjuh ia ka Dhauligiri bad Konark Sun Temple.
Ia kane ka Press Tour la pynlong da ka Press Information Bureau, Shillong ha ka jingiatrei lang bad ka Press Information Bureau, Bhubaneswar hapoh ka jingbei pisa jong ka Ministry of Information & Broadcasting, Government of India.